အဂ့ၢ်ဒ်အံၤ, ဒ်လီဝၢ်ဒံးလၢမူထံးတခီ, ကပီၤထီၣ်ပၢၢ်လၢမူထံးအဝဲတခီအသိးဒီး, ပှၤကညီဖိခွါလၢအမုၢ်နံၤအပူၤ န့ၣ်, ကမၤအသးဒ်န့ၣ်အသိးလီၤ.
ဘၣ်ဆၣ်ဒီးကဘၣ်ဆိတၢ်အါမံၤ, ဒီးကဘၣ်တၢ်ညိကွံာ်အီၤလၢ ပှၤတစိၤအံၤအစုပူၤလီၤ.
ဒီးဒ်တၢ်မၤအသးလၢ စီၤနိအၤအမုၢ်နံၤတဖၣ်အသိးန့ၣ်, တၢ်ကမၤအသးလၢပှၤကညီဖိခွါအမုၢ်နံၤဒ်န့ၣ်အ သိးလီၤ.
ပှၤအီၣ်တၢ်အီတၢ်, ဒီးန့ၢ်မါန့ၢ်ဝၤတုၤမုၢ်တနံၤလၢစီၤနိအၤလဲၤနုာ်လၢကဘီပူၤ, ဒီးထံလုၣ်ဘၢတၢ် ဟဲဒီးမၤဟးဂီၤကွံာ်အီၤခဲလၢာ်လီၤ. ဒ်န့ၣ်အသိးတၢ်မၤအသးလၢစီၤလိာ်အမုၢ်နံၤတဖၣ်န့ၣ်လီၤ. ပှၤအီၣ်တၢ်အီတၢ်, ပှ့ၤတၢ်ဆါတၢ်, သူၣ်တၢ်ဘျၢတၢ်, မၤဟံၣ်မၤဃီ လီၤ.
ဘၣ်ဆၣ်ဒီးမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်အပူၤန့ၣ်, တၢ်ဟဲစူၤလီၤလၢမ့ၣ်အူဒီးကးလၢမူ ခိၣ်, ဒီးမၤဟးဂီၤကွံာ်ပှၤခဲလၢာ်လီၤ. ၃၀ မုၢ်နံၤလၢပှၤကညီဖိခွါအံၤကအိၣ်ဖျါထီၣ်ဒီး, တၢ်ကမၤအသးဒ်န့ၣ်အသိးလီၤ.
ဒီးတၢ်လၢမုၢ်တနံၤန့ၣ်, ပှၤမ့ၢ်အိၣ်လၢအဟံၣ်ခိၣ်ဒီးအတၢ်ဖိတၢ်လံၤမ့ၢ်အိၣ်လၢအဟံၣ်ပူၤဒီး, မ်အသုတယုၢ်လီၤဟံးန့ၢ်က့ၤအီၤတဂ့ၤ. ဒ်န့ၣ်အသိးပှၤအိၣ်လၢစံာ်ပူၤ န့ၣ်, သုတက့ၤကဒါက့ၤဆူအလီၢ်ခံတဂ့ၤ.
သ့ၣ်နီၣ် ထီၣ်က့ၤ စီၤလိာ်အမါတက့ၢ်.
ဖဲဒၣ်ပှၤလၢအဃုအုၣ်က့ၤခီၣ်က့ၤအသးတဂၤဂၤန့ၣ်, ကမၤဟါမၢ်ကွံာ်အသးလီၤ. ဒီးဖဲဒၣ်ပှၤလၢအဒုးဟါမၢ်ကွံာ်အသးတဂၤဂၤန့ၣ်,ကဒုးမူထီၣ်က့ၤအီၤလီၤ.လူၤကၣ် ၁၇၂၄း၃၂
ဒီးယွၤစံးဝဲဒၣ်, မ်ပတ့လီၤ ပှၤကညီဒ်ပဂီၤဒၣ်ပဝဲအသိး, ဒ်ပကစၢ်ဒၣ်ပဝဲအသိးတက့ၢ်. ဒီမ်အပၢဒ့ၣ်ဧိၤညၣ်ဧိၤလၢပီၣ်လဲၣ်ပူၤ, ဒီးထိၣ်ဧိၤလံၣ်ဧိၤလၢတၢ်ဖးဖီ,ဒီးဆၣ်ဧိၤကီၢ်ဧိၤ, ဒီးဟီၣ်ခိၣ်ဒီဘ့ၣ်ညါ, ဒီးကယဲၢ်တၢ် အစွါအစွဲလၢအစွါလၢဟီၣ်ခိၣ်ချၢတက့ၢ်.
ဒီးယွၤတ့လီၤပှၤကညီဒ်အဂီၢ်ဒၣ်ဝဲအသိးလီၤ. တ့လီၤဝဲလၢယွၤ အဂီၤလီၤ, ပိာ်မုၣ်ဒီးပိာ်ခွါန့ၣ်တ့လီၤဝဲလီၤ.
ဒီးယွၤဆိၣ်ဂ့ၤအီၤ, ဒီးစံးဘၣ်အီၤ, မ်သုသၣ်ထီၣ်, ဒီးအါထီၣ်,ဒီးမၤပှဲၤထီၣ်ဟီၣ်ခိၣ်ဒီးမၤနၢၤအီၤ, ဒီးပၢဒ့ၣ်ဧိၤညၣ်ဧိၤလၢပီၣ်လဲၣ်ပူၤ, ဒီးထိၣ်ဧိၤလံၣ်ဧိၤလၢတၢ်ဖးဖီ, ဒီးကယဲၢ်တၢ်အသး လၢအဟူးအဂဲၤ လၢဟီၣ်ခိၣ်ချၢန့ၣ်တ က့ၢ်.
ဒီးယွၤစံးဝဲဒၣ်, ကွၢ်ကွၢ်, ယဟ့ၣ်တ့ၢ်သုလၢဘုဧိၤဟုဧိၤလၢအသၣ်ထီၣ် ဘုသၣ်အိၣ်လၢဟီၣ်ခိၣ်ချၢဒီဘ့ၣ်ညါကိးမံၤဒဲး, ဒီးသ့ၣ်ဧိၤဝၣ်ဧိၤလၢအသၣ်ထီၣ်ဒၣ်အသၣ်တဖၣ်န့ၣ်ကိးကလုာ်ဒဲးလီၤ. တၢ်တဖၣ်န့ၣ်ကကဲထီၣ်သုတၢ်အီၣ်လီၤ.လံာ်စီၤမိၤရှ့အခီၣ်ထံးတဘ့ၣ် ၁း၂၆း၂၉
ဒီးယွၤစံးဝဲဒၣ်, ပှၤကညီအိၣ်တဂၤဃီ တဂ့ၤဘၣ်ယကတ့န့ၢ်အီၤလၢတၢ်မၤစၢၤလၢအကြၢးဒီးအီၤလီၤ.
ဒီးကစၢ်ယွၤတ့လီၤ ကယဲၢ်ဆၣ်ဧိၤကီၢ်ဧိၤလၢပှၢ်လၢ်ကျါ, ဒီးကယဲၢ်ထိၣ်ဧိၤလံၣ်ဧိၤလၢတၢ်ဖးဖီလၢဟီၣ်ခိၣ်ကိးမံၤဒဲး, ဒီးဒုးဟဲဝဲဆူပှၤကညီအအိၣ်ဒ်သိးအကထံၣ်ဝဲလၢအဝဲဒၣ်ကယုၢ်အမံၤဒ်လဲၣ်ဒ်လဲၣ်န့ၣ်လီၤ. ဒီးဖဲဒၣ် ပှၤကညီယုၢ်တၢ်အသးအမံၤန့ၣ်မ့ၢ်အမံၤလီၤ. ဒီးပှၤကညီယုၢ်ကယဲၢ်ဆၣ်ဧိၤကီၢ်ဧိၤအဒၢ, ဒီးထိၣ်ဧိၤလံၣ်ဧိၤလၢတၢ်ဖးဖီ, ဒီးကယဲၢ်ဆၣ်ဧိၤကီၢ်ဧိၤလၢပှၢ်လၢ်ကျါကိးကလုာ်ဒဲးအမံၤလီၤ. မ့မ့ၢ်လၢပှၤကညီအဂီၢ်န့ၣ်တၢ်မၤစၢၤကြၢးဒီးအီၤန့ၣ်တၢ်တထံၣ်န့ၢ်ဘၣ်ဝဲဘၣ်.
ဒီးကစၢ်ယွၤဒုးလီၤဘၣ်တၢ်မံသပ့ၤလၢ ပှၤကညီအလိၤ, ဒီးအဝဲဒၣ်မံသပ့ၤ, ဒီးထဲးထီၣ်န့ၢ်ဝဲအဂုာ်ဃံတ ဘ့ၣ်, ဒီးမၤမံထီက့ၤဝဲအလီၢ်လၢအညၣ်လီၤ. ဒီးတၢ်ဂုာ်ဃံလၢအထဲးထီၣ်န့ၢ်ဝဲလၢပိာ်ခွါအလိၤန့ၣ်, ကစၢ်ယွၤတ့လီၤလၢပိာ်မုၣ်, ဒီးဆှၢအီၤဆူပိာ်ခွါအအိၣ်လီၤ.
ဒီးပိာ်ခွါစံးဝဲဒၣ်, ခဲကနံၣ်အံၤအဝဲဒၣ်အံၤမ့ၢ်ဃံလၢယဃံ, ဒီးညၣ်လၢယညၣ်လီၤ. တၢ်ကကိးအီၤလၢပိာ်မုၣ်, အဂ့ၢ်ဒ်အံၤ, ဘၣ်တၢ်ထဲးထီၣ်ကွံာ်အီၤလၢပိာ်ခွါ အလိၤလီၤ. ၂၄ မၤသးဒ်န့ၣ်ဒီး တၢ်လၢပိာ်ခွါအံၤကဟးသဒၣ်အမိၢ်အပၢ်, ဒီးကဘျုးအသးဆူ ပိာ်မုၣ်အအိၣ်, ဒီးတၢ်လၢပှၤခံဂၤန့ၣ် ကကဲထီၣ်တၢ်တသွံၣ်ဃီတညၣ် ဃီလီၤ.
ဒီးပှၤခံဂၤ, ပိာ်ခွါဒီးအမါန့ၣ်အိၣ်ဘ့ၣ်ဆ့,ဒီးမဲာ်တဆှးဘၣ်လီၤ.လံာ်စီၤမိၤရှ့အခီၣ်ထံးတဘ့ၣ် ၂း၁၈း၂၅
ဒီးအဝဲဒၣ် စံးဆၢတၢ်ဒီးစံးဘၣ်အီၤ, ပှၤလၢအတ့ လီၤပှၤကညီလၢအခီၣ်ထံးန့ၣ် တ့လီၤအီၤပိာ်ခွါတဂၤ, ဒီးပိာ်မုၣ်တဂၤ, သုတဖးဘၣ်ဧါ
ဒီးစံးဝဲဒၣ်, အကူၣ် မ့ၢ်ဒ်န့ၣ်ဒီး, ပိာ်ခွါကဟးသဒၣ်အမိၢ်ဒီး အပၢ်, ဒီးက ဘျုးအသးဒီးအမါ, ဒီးတၢ်လၢပှၤခံဂၤန့ၣ်, ကကဲထီၣ် တၢ်တသွံၣ်ဃီတညၣ်ဃီလီၤ. မၤသးဒ် န့ၣ်ဒီးတမ့ၢ်လၢၤဘၣ်ပှၤခံဂၤဘၣ်. မ့ၢ်တသွံၣ်ဃီတ ညၣ်ဃီလီၤ. မ်ဒ်န့ၣ်ဒီး, တၢ်လၢယွၤပာ်ဃုာ်ဝဲန့ၣ်, မ်ပှၤကညီသုတထုးဖှၣ်တဂ့ၤမးသဲ ၁၉း၄း၆
မံဃုာ်ဒီးပိာ်ခွါဒ်ပိာ်မုၣ်အသိးန့ၣ်တဂ့ၤ. အဝဲန့ၣ်မ့ၢ်တၢ်သးဘၣ်အၢလီၤ.
ဒီးမံဃုာ်ဒီးဆၣ်ဖိကီၢ်ဖိဒ်သိး နကမၤတကဆှီဘၣ်နသးဒီးအီၤနီတမံၤတဂ့ၤ. ဒီးမ်ပိာ်မုၣ်အသုတဆၢထၢၣ်လၢဆၣ်ဖိကီၢ်ဖိအမဲာ်ညါ, ဒ်သိးအကမံလီၤဒီးအီၤနီတဂၤတဂ့ၤ. အဝဲန့ၣ်မ့ၢ်တၢ်အၢတၢ်သီလီၤ.
မၤတၢ်တကဆှီဘၣ်သုသးဒီး တၢ်တဖၣ်န့ၣ်နီတမံၤတဂ့ၤ. အဂ့ၢ်ဒ်အံၤ, ပှၤကလုာ်တဖၣ်လၢယဟီထီၣ်ကွံာ်အီၤလၢသုမဲာ်ညါန့ၣ် တကဆှီဘၣ်ဒီးတၢ်တဖၣ်န့ၣ်ခဲလၢာ်လီၤ.
ဒီးထံဧိၤကီၢ်ဧိၤတကဆှီဘၣ်လီၤ. မၤသးဒ်န့ၣ်ဒီးယဒုးအိၣ်သကိးအီၤလၢအတၢ်အၢတၢ်သီ, ဒီးကီၢ်န့ၣ်ဘှိးထီၣ်ကွံာ်ပှၤအိၣ်ဝဲဆိးဝဲလၢအပူၤလီၤ.
ဒီးတိၢ်န့ၢ်ယလုၢ်ယလၢ်, ဒီးယတၢ်စံၣ်ညီၣ်တဖၣ်တက့ၢ်. ဒီးပှၤလၢသုကလုာ်ဒၣ်သုဝဲမ့ၢ်ဂ့ၤ, မ်အသုတမၤ တၢ်သးဘၣ်အၢနီတဂၤတဂ့ၤ. ၂၇ *ဒ်သိးကီၢ်န့ၣ်အသုတဘှိးထီၣ်ကွံာ်သုဖဲ သုမၤဘၣ်အၢအီၤဒ်အဘှိးထီၣ်ကွံာ် ပှၤကလုာ်တဖၣ်လၢအအိၣ်လၢသုမဲာ်ညါအသိးန့ၣ်တဂ့ၤလီၤ.
အဂ့ၢ်ဒ်အံၤ, ကယဲၢ်ပှၤလၢအမၤတၢ်သးဘၣ်အၢအံၤတမံၤမံၤန့ၣ်ကဘၣ်တၢ်ဒီၣ်တဲာ်ကွံာ်အီၤဒီး အပှၤတကလုာ်ဒၣ်ဝဲလီၤ.လံာ်စီၤမိၤရှ့သၢဘ့ၣ်တဘ့ၣ် ၁၈း၂၂း၂၉
ဒီးပှၤမ့ၢ်မံဃုာ်ဒီးအဒဲၣ်ဒီး, ကဘၣ်တၢ်မၤသံအီၤခံဂၤလိာ်သပှၢ်တၢၢ်လီၤ. မၤလံတၢ်အၢလံ. အသွံၣ်ကအိၣ်လၢအလိၤလီၤ.
ဒီးပှၤမ့ၢ်မံဃုာ်ဒီးပိာ်ခွါ ဒ်အမံဃုာ်ဒီးပိာ်မုၣ်အသိး,ပှၤခံဂၤလိာ်န့ၣ်မၤလံတၢ်သးဘၣ်အၢလံ, ကဘၣ်တၢ်မၤသံအီၤသပှၢ်တၢၢ်လီၤ.အသွံၣ်ကအိၣ်လၢအလိၤလီၤ.
ဒီးပှၤမ့ၢ်အိၣ်ဃုာ်ဒီးအမါဒီး အမါအမိၢ်ဒီး, မ့ၢ်တၢ်အၢတၢ်သီလီၤ. ကဘၣ်တၢ်ဆူးထီၣ်ကွံာ်အီၤလၢမ့ၣ်အူ,ပိာ်ခွါတဂၤဒီးပိာ်မုၣ်ခံဂၤ, ဒ်သိးတၢ်အၢတၢ်သီအသုတအိၣ်လၢသုကျါတဂ့ၤလီၤ.
ဒီးပှၤမ့ၢ်မံဃုာ်ဆၣ်ဖိကီၢ်ဖိတဒုဒီး, ကဘၣ်တၢ်မၤသံအီၤသပှၢ်တၢၢ်လီၤ. ဒီးသုဘၣ်မၤသံဆၣ်ဖိကီၢ်ဖိတဒုန့ၣ်လီၤ.
ဒီးပိာ်မုၣ်မ့ၢ်မၤဘူးအသးဒီးဆၣ်ဖိကီၢ်ဖိ, ဒီးမံလီၤဒီးအီၤဒီး, နဘၣ်မၤသံအီၤသပှၢ်တၢၢ်လီၤ. အသွံၣ်ကအိၣ်လၢအလိၤလီၤ.
ဒီးပှၤမ့ၢ်ဟံးန့ၢ်အဒီပုၢ်ဝဲၢ်မုၣ်, အပၢ်အဖိမုၣ်မ့ၢ်ဂ့ၤ,အမိၢ်အဖိမုၣ်မ့ၢ်ဂ့ၤ, ဒီးထံၣ်ဘၣ်အတၢ်ဘ့ၣ်ဆ့, ဒီးအဝဲဒၣ်ထံၣ်ဘၣ်ပိာ်ခွါအတၢ်ဘ့ၣ်ဆ့ဒီး, မ့ၢ်တၢ်အၢတၢ်သီလီၤ. ဒီးကဘၣ်တၢ်ဒီၣ်တဲာ်ကွံာ်အီၤလၢ အပှၤတကလုာ်ဒၣ်ဝဲအမဲာ်ညါလီၤ. မ့ၢ်အလီၣ်ဖျါထီၣ်အဒီပုၢ်ဝဲၢ်မုၣ်အတၢ်ဘ့ၣ်ဆ့လီၤ. ကဘၣ်အတၢ်ဒဲးဘးလီၤ.
လံာ်စီၤမိၤရှ့သၢဘ့ၣ်တဘ့ၣ် ၂၀း၁၂း၁၇
မ်ဒ်န့ၣ်ဒီးယွၤဟ့ၣ်လီၤကွံာ်အီၤ အိၣ်ဒီးအသးကလုာ်ကလိၤဆူတၢ်တကဆှီဘၣ်အပူၤ, ဒ်သိးအကမၤဟးဂီၤ လိာ်အနီၢ်ခိဒၣ်ဝဲအလၤအကပီၤလီၤ.
ဒီးပာ်လဲလိာ်ယွၤအတၢ်မ့ၢ်တၢ်တီလၢတၢ်ကဘျံးကဘျၣ်, ဒီးဘူၣ်ထီၣ်ဘါထီၣ်တၢ်လၢအဘၣ်တၢ်တ့အီၤန့ၣ်, ဒီးမၤဝဲအတၢ်, အါန့ၢ်ပှၤလၢအတ့တၢ်လၢအဘၣ်တၢ်ဆိၣ်ဂ့ၤအစိၤစိၤဃၣ်ဃၣ်တဂၤအတၢ်တက့ၢ်လီၤ.အၤမ့ၣ်.
မ်ဒ်န့ၣ်ဒီး ယွၤဟ့ၣ်လီၤကွံာ်အီၤအိၣ်ဒီးအသးကွံတၢ်လၢအလၤကပီၤတအိၣ်ဘၣ်န့ၣ်လီၤ. အဂ့ၢ်ဒ်အံၤ,ပိာ်မုၣ်တဖၣ်မၤတၢ်အလုၢ်အလၢ်န့ၣ်, ပာ်လဲလိာ်ဝဲဒီးတၢ်လၢ အထီဒါတၢ်အလုၢ်အလၢ်လီၤ.
ဒ်န့ၣ်အသိးပိာ်ခွါမၤပိာ်မုၣ်ဒ်တၢ်အလုၢ်အလၢ်အသိးန့ၣ်ညိကွံာ်ဝဲ, ဒီးအသးကတၢလိာ်အသးပိာ်ခွါသကိးပိာ်ခွါ, ဒီးမၤတၢ်မဲာ်ဆှး,ဒီးအတၢ်ဒဲးဘးအဘူးအလဲလၢအကြၢးဒီးအီၤန့ၣ်, ဒိးန့ၢ်ဝဲလၢအပူၤဒၣ်ဝဲလီၤ.
ဒီးမ့ၢ်တၢ်တမိၣ်အိၣ်ဘၣ်အသးဒီး တၢ်သ့ၣ်ညါယွၤသတးဒီး, ယွၤဟ့ၣ်လီၤကွံာ်အီၤဆူတၢ်သူၣ်အၢသးသီ အပူၤ, ဒ်သိးအကမၤတၢ်တဘၣ်တပှိၤဘၣ်လီၤ
လၢထီၣ်ပှဲၤထီၣ်ဝဲဒီးကယဲၢ်တၢ်တတီတလိၤ, တၢ်မၤကမၣ်မုၣ်ကမၣ်ခွါ, တၢ်သးဆဲးအဲး,တၢ်သူၣ်ကွံသးကွံ,တၢ်မၤအၢမၤသီန့ၣ်လီၤ. လၢပှဲၤဝဲဒီးတၢ်သးက့ၣ်,တၢ်မၤသံပှၤကညီ, တၢ်အ့ၣ်လိာ်ဆိးက့လိာ်,တၢ်လီတၢ်ဝ့ၤ,တၢ်သူၣ် ဟ့သးဟ့,
မ့ၢ်ပှၤသီၣ်ဝံသဲကလၤ,ပှၤစံးအၢတၢ်,ပှၤသးဟ့ယွၤ, ပှၤဒုၣ်ဒွဲၣ်တၢ်, ပှၤပာ်ထီၣ်ထီအသး,ပာ်အသးကဖၢလၢ, ပှၤမၤအိၣ်ထီၣ်တၢ်အၢတၢ်သီ,ပှၤတစူၢ်ဘၣ် အမိၢ်အပၢ်ဘၣ်.
ပှၤအသးကီ, ပှၤတမၤတီဘၣ်အကလုၢ်ဘၣ်, ပှၤတအဲၣ်ဘၣ်အဘူးအတံၢ်ဘၣ်,ပှၤအသူၣ်တကၢ်အသးတလီၤဘၣ်, ပှၤတသးကညီၤဘၣ်တၢ် ဘၣ်.
အဝဲသ့ၣ်တဖၣ် သ့ၣ်ညါလီၤတံၢ်လီၤဆဲး,ယွၤအတၢ်စံၣ်ညီၣ်, လၢပှၤမၤတၢ်ဒ်န့ၣ်သိးဂ့ၤသံဘၣ်ဆၣ်ဒီး,မၤတၢ်န့ၣ်တဖၣ်, အခိၣ်တလိာ်ဘၣ်အသးလၢပှၤလၢအမၤဝဲတဖၣ်စ့ၢ်ကီးလီၤ.
ရိမ့ၤ ၁း၂၄း၃၂
မ့မ့ၢ်ပှၤလၢအစဲဘူးလိာ်အသးဒီးကစၢ်န့ၣ်, မ့ၢ်အသး တဖျၢၣ်ဃီလီၤ. ဃ့ၢ်ဟးဆှဲးကွံာ်တၢ်မၤကမၣ်မုၣ်ကမၣ်ခွါတက့ၢ်. ကယဲၢ်တၢ်မၤကမၣ်တမံၤလၢ်လၢ်လၢပှၤကညီမၤဝဲန့ၣ်, တဘၣ်ဃးဘၣ်ဒီးပနီၢ်ခိဘၣ်.မ့မ့ၢ်ပှၤလၢအမၤကမၣ်ပိာ်မုၣ်ပိာ်မၢၤန့ၣ်, မၤကမၣ်အနီၢ် ခိဒၣ်ဝဲလီၤ.
သုနီၢ်ခိမ့ၢ်တၢ်လုၢ်အဟံၣ်ဘၣ်ဃးဒီးသးစီဆှံ,အိၣ်လၢသုပူၤ, လၢသုန့ၢ်လၢယွၤ,ဒီးသုတမ့ၢ်ဘၣ်သုတၢ်ဒၣ်သုဝဲဘၣ်န့ၣ်, မ့ၢ်သုတသ့ၣ်ညါဘၣ် ဧါ. အဂ့ၢ်ဒ်အံၤ,တၢ်ပှ့ၤက့ၤသုလၢအပှ့ၤလီၤ. မၤသးဒ်န့ၣ်ဒီး,မၤလၤကပီၤယွၤလၢသုနီၢ်ခိနီၢ်ကစၢ်တက့ၢ်.
၁ ကရံၣ်သူး ၆း၁၇း၂၀
အဂ့ၢ်ဒ်အံၤ, မူခိၣ်အိၣ်ဝဲဆိးဝဲလၢပျၢၤလၢသီ, ဒီးဟီၣ်ခိၣ်အိၣ်ထီၣ်လၢထံကျါ, ဒီးလၢထံအဃိ,လၢယွၤအကလုၢ်န့ၣ်, အဝဲသ့ၣ်ဘၣ်အသးလၢအတသ့ၣ်ညါဘၣ်တကူၢ် သ့ၣ်လီၤ.
လၢအဃိ, ဟီၣ်ခိၣ်လၢအအိၣ်ဝဲလၢအကတီၢ်ဖဲန့ၣ်, တၢ်လုၣ်ဘၢအီၤလၢထံသတးဒီး, ဟးဂီၤဝဲ လီၤ.
မ့မ့ၢ်မူခိၣ်ဒီးဟီၣ်ခိၣ်ခဲကနံၣ်အံၤ, အဝဲဒၣ်အကလုၢ်ပာ်အီၤလၢမ့ၣ်အူအဂီၢ်, ဖဲမုၢ်စံၣ်ညီၣ်အနံၤ,ဒီးပှၤတယူးယီၣ်ဘၣ်ယွၤဘၣ် ကတုၤတၢ်ဟးဂီၤအကတီၢ်န့ၣ်လီၤ.
ဘၣ်ဆၣ်ဒီးပှၤလၢတၢ်အဲၣ်အီၤသ့ၣ်ဧၢ, တၢ်အံၤတမံၤန့ၣ်သးပ့ၤနီၣ်သုဝဲတဂ့ၤ, လၢကစၢ်အမဲာ်ညါန့ၣ်,မုၢ်တနံၤမၤအသးဒ်နံၣ်တကထိအသိး, ဒီးနံၣ်တကထိမၤအ သးဒ်မုၢ်တနံၤအသိးန့ၣ်လီၤ
ကစၢ်တမၤယံာ်မၤနီၢ်တၢ်လၢအတၢ်စံးပာ်အဂ့ၢ်အကျိၤ, ဒ်ပှၤကညီတနီၤနီၤပာ်တၢ်မၤယံာ်မၤနီၢ်အသိးန့ၣ်ဘၣ်. မ့မ့ၢ်မ့ၢ်အဝံသးစူၤသုဃဲးဃဲးလီၤ.အဂ့ၢ်ဒ်အံၤ, တဘၣ်ဘၣ်အသးလၢပှၤကတုၤလၢတၢ်ဟးဂူာ်ဟးဂီၤနီတဂၤဘၣ်. မ့ၢ်လၢပှၤခဲလၢာ် ကန့ၢ်ဘၣ်တၢ်ပီၢ်ယၢ်လီၤက့ၤအသးလီၤ.
မ့မ့ၢ်ကစၢ်အမုၢ်နံၤတနံၤန့ၣ်, ကဟဲဒ်တၢ်ဘျၣ်အသိးလီၤ.ဒီးလၢအပူၤန့ၣ်,မူခိၣ်တဖၣ်ကဒံကွံာ်ဒံဖျိးလၢတၢ်သီၣ်ဖးဒိၣ်,ဒီးတၢ်အမိၢ်ပှၢ်တဖၣ်ကကဲၤထီၣ်, ဒီးကဒံကွံာ်ဝဲ,ဒီးဟီၣ်ခိၣ်ဒီးတၢ်မၤတဖၣ်လၢအပူၤန့ၣ်,မ့ၣ်အူကအီၣ်ကွံာ်ဝဲလီၤ.
မၤသးဒ်န့ၣ်ဒီး, တၢ်တဖၣ်န့ၣ်ကဒံကွံာ်ခဲလၢာ်သတး ဒီး, လၢတၢ်ကွၢ်လၢ်ဒီးတၢ်ဆၢသပှၢ်ပှၢ်ယွၤအမုၢ်နံၤကဟဲဝဲ, ဖဲမူခိၣ်ကကဲၤထီၣ်ဒီးပူၤကွံာ်,ဒီးတၢ်အမိၢ်ပှၢ်တဖၣ် ကပှံၢ်လီၤလၢတၢ်ကိၢ်န့ၣ်, လၢတၢ်ဖံးတၢ်မၤစီဆှံအပူၤဒီးလၢတၢ်ယူးယီၣ်ယွၤအပူၤ သုဂ့ၤကဲထီၣ်လၢပှၤဒ်လဲၣ်တကလုာ်လဲၣ်. ဘၣ်ဆၣ်ဒီး,ဒ်အတၢ်စံးပာ်အသိးန့ၣ်,ပကွၢ်လၢ်မူခိၣ်အသီ, ဒီးဟီၣ်ခိၣ်အသီ,ဖဲတၢ်တီတၢ်လိၤအိၣ်ဝဲဆိးဝဲလၢအပူၤန့ၣ်လီၤ.၂ ပ့းတရူး ၃း၅း၁၃
