သုအိၣ်ဖျါလၢသုမ့ၢ်ခရံာ်အလံာ်လၢပမၤအီၤ,အိၣ်ကွဲးအသးလၢ ကသံၣ်ထံတမ့ၢ်ဘၣ်, မ့ၢ်လၢယွၤလၢအမူဝဲတဂၤန့ၣ်အသး, လၢလၢၢ်ဘ့ၣ်ဘၣ်အလိၤတမ့ၢ်ဘၣ်, မ့ၢ်လၢသးအဖံးအညၣ် ဘ့ၣ်ဘၣ်အလိၤ လီၤ.ဒီးပအိၣ်ဒီးတၢ်နာ်ယွၤဒ်န့ၣ်လၢခရံာ်အဃိလီၤ
တမ့ၢ်ဘၣ်ပသ့တၢ်လၢပကစၢ်ဒၣ်ပဝဲလၢ ပကကူၣ်တၢ်တမံၤမံၤဒ်လၢပကစၢ်ဒၣ်ပဝဲအသိးဘၣ်. မ့မ့ၢ်ပသ့တၢ် န့ၣ်မ့ၢ်လၢယွၤလီၤ. ဒီးအဝဲဒၣ်မၤသ့ထီၣ်ပှၤ,ဒ်သိးပကကဲထီၣ်တၢ်အၢၣ်လီၤအီလီၤအသီ အခ့အပှၤဘၣ် ဃးဒီးလံာ်ဖျၢၣ်တမ့ၢ်ဘၣ်, မ့ၢ်အဘၣ်ဃးဒီးသးလီၤ.အဂ့ၢ်ဒ်အံၤ, လံာ်ဖျၢၣ်မၤသံတၢ်,မ့မ့ၢ်သးန့ၣ်မၤမူတၢ်လ
ဘၣ်ဆၣ်ဒီးတၢ်မၤလိာ်ဘၣ်ဃးဒီးတၢ်သံ, ကွဲးအသးလၢလၢၢ်အလိၤ, မ့ၢ်အိၣ်ဒီးအလၤအကပီၤတုၤဒၣ်လဲာ်ပှၤအံၣ်စရ့လးဖိ ကွၢ်ထံကွၢ်ဆးစီၤမိၤရှ့ အမဲာ်တကဲ ဘၣ်လၢအမၤအလၤကပီၤလၢအကဟါမၢ်တ့ၢ်ဝဲအဃိ ဒီး, တၢ်မၤလိာ်ဘၣ်ဃးဒီးသးကအိၣ်အလၤအကပီၤ ဒိၣ်န့ၢ်အန့ၣ်တက့ၢ်,တမ့ၢ်ဘၣ်ဧါ
၂ ကရံၣ်သူး ၃း၃-၈
အဂ့ၢ်ဒ်အံၤ, ပသ့ၣ်ညါ,ဒ်သုဘၣ်ဃးဒီးတၢ်နးတၢ်ဖှီၣ်အသိးန့ၣ်, သုဘၣ်ဃးစ့ၢ်ကီးဒီးတၢ် မၤမုာ်ထီၣ်က့ၤန့ၣ်လီၤ. အဂ့ၢ်ဒ်အံၤ,ပုၢ်သ့ၣ်ဝဲၢ်သ့ၣ်ဧၢ,ပသးတအိၣ်ဘၣ်လၢ သုတသ့ၣ်ညါဘၣ်တၢ်နးတၢ်ဖှီၣ်လၢအဘၣ်ပှၤလၢအၤစံ, လၢပဘၣ်တၢ်နးကဲၣ်ဆိးတုၤပဒိးတကဲဘၣ်, တုၤဒၣ်လဲာ်ပတမုၢ်လၢ်လၢၤဘၣ် လၢပကမူဘၣ်. ၉ မ့မ့ၢ်ပအိၣ်ဒီးတၢ်စံၣ်ညီၣ်သံပှၤလၢပပူၤဒၣ်ပဝဲ, ဒ်သိးပသုတနာ်လီၤပသးတဂ့ၤ, မ့ၢ်ယွၤ, လၢအမၤဂဲၤဆၢထၢၣ်က့ၤပှၤသံန့ၣ်လီၤ. အဝဲဒၣ်ထုးထီၣ်ပှၤလၢတၢ်သံဆူၣ်ပှဲၤန့ၣ်, ဒီးခဲကနံၣ်အံၤထုးထီၣ်ပှၤ, ဒီးမ့ၢ်သုမၤစၢၤဃုာ်စ့ၢ်ကီးလၢတၢ်ထုကဖၣ်အဃိ ဒီး, ပမုၢ်လၢ်လၢအကထုးထီၣ်ဒံးပှၤ,
ဒ်သိးပဘၣ်ဘျုးဘၣ်ဖှိၣ်လၢပှၤအါဂၤအဃိဒီး, ပှၤအါဂၤကစံးထီၣ်ပတြၢၤတၢ်အဘျုးအဖှိၣ်လၢပဃိလီၤ. ၂ ကရံၣ်သူး ၁း၁၀
ဒီးယွၤလၢအဒုးနဲၣ်ဖျါထီၣ်အတၢ်မၤနၢၤပှၤလၢခရံာ်အပူၤတဘိယူၢ်ဃီ, ဒီးလီၣ်ဖျါထီၣ်အတၢ်သ့ၣ်ညါအတၢ်နၢမူ ကိးပူၤဒဲးလၢပစုပူၤန့ၣ်, မ်ပှၤစံးထီၣ်ပတြၢၤအဘျုးအဖှိၣ်တက့ၢ်.-
အဂ့ၢ်ဒ်အံၤ,လၢပှၤလၢအတုၤလၢ တၢ်အုၣ်က့ၤခီၣ်က့ၤအဂီၢ်, ဒီးလၢပှၤလၢအတုၤလၢတၢ်ဟးဂီၤအဂီၢ်,ပမ့ၢ် ခရံာ်အတၢ်နၢမူလၢယွၤအမဲာ်ညါလီၤ. လၢပှၤအံၤအဂီၢ်ပမ့ၢ်တၢ်သံအနၢမူဆူတၢ်သံလီၤ. မ့မ့ၢ်လၢအဝဲသ့ၣ်အဂီၢ်, ပမ့ၢ်တၢ်မူအနၢမူဆူတၢ်မူလီၤ.ဒီးလၢတၢ် အံၤအဂီၢ်, မ့ၢ်မတၤမၤတၢ်သ့တဂၤလဲၣ်. အဂ့ၢ်ဒ်အံၤ,ပဝဲဒၣ်အံၤ, ပတဒ်သိးဘၣ်ဒီးပှၤအါဂၤလၢအမၤကျီၣ်ကျဲယွၤအကလုၢ်အကထါအသိးဘၣ်. မ့မ့ၢ်ဒ်ပှၤအတီအလိၤ, ဒ်ပှၤလၢအဘၣ်ဃးဒီးယွၤအသိးဒီး,ပစံၣ်တဲၤတဲလီၤတၢ်လၢခရံာ်အပူၤ, လၢယွၤအမဲာ်ညါလီၤ.၂ ကရံၣ်သူး ၂း၁၅-၁၇
ပှၤလၢတၢ်အဲၣ်အီၤတဂၤဧၢ, ကွၢ်လိတၢ်အၢတၢ်သီတဂ့ၤ.မ့မ့ၢ်ကွၢ်လိတၢ်ဂ့ၤန့ၣ်တက့ၢ်.ပှၤလၢအမၤတၢ်ဂ့ၤန့ၣ်ဘၣ်ဃးဒီးယွၤ,ဒီးပှၤလၢအမၤတၢ်အၢန့ၣ်တထံၣ်ဘၣ်ယွၤဘၣ်.၃ ယိၤဟၣ်သိၣ်တၢ် ၁း၁၁
မ့မ့ၢ်ယွၤအကလုၢ်အကထါန့ၣ်,အိၣ်ဝဲဆိးဝဲလီၤထူလီၤယိာ်လီၤ
.ဒီးအဝဲန့ၣ်မ့ၢ်အကလုၢ်အကထါ လၢပှၤစံၣ်တဲၤတဲလီၤသုလၢတၢ်သးခုအကစီၣ်န့ၣ်လီၤ.
၁ ပ့းတရူး ၁း၂၅ ဟၡါ.၄၀း၆-၈
တဲာ်လီၤကျဲၤလီၤလိာ် သုတၢ်သရူးတၢ်ကမၣ်သကိးသကိး, ဒီးဘါထုကဖၣ်လိာ်သုဂီၢ်သကိးသကိး, ဒ်သိးသုကဘျါက့ၤတက့ၢ်. ပှၤအတီအလိၤအတၢ်ထုကဖၣ် သပှၢ်သပှၢ်န့ၣ်,မၤန့ၢ်တၢ်အါမးလီၤ.
စီၤအ့ၤလံယၤမ့ၢ်ပှၤကညီ, ဒ်ပဝဲအသိး,ဒီးဘါထုကဖၣ်သပှၢ်ပှၢ်ဒ်သိးတၢ်သုတဟဲစူၤတဂ့ၤ, ဒီးလၢသၢနံၣ်ဒီးဃုလါအတီၢ်ပူၤန့ၣ်, တၢ်တဟဲစူၤဘၣ်လၢဟီၣ်ခိၣ်အဖီခိၣ်ဘၣ်
ဒီးဘါထုကဖၣ်ကဒီးဝဲဒီးမူခိၣ်ဒုးဟဲစူၤလီၤတၢ်လီၤ, ဒီးဟီၣ်ခိၣ်ဒုးမဲထီၣ်အတၤသူၣ်တၤသၣ်လီၤ.
ဒီပုၢ်ဝဲၢ်သ့ၣ်ဧၢ, ပှၤတဂၤဂၤလၢသုကျါန့ၣ်, မ့ၢ်မၤကမၣ်တၢ်မ့ၢ်တၢ်တီ,ဒီးပှၤတဂၤဂၤမ့ၢ်ဘိးဃၣ်က့ၤအီၤဒီး,-
မ်အသ့ၣ်ညါလၢ ပှၤလၢအဘိးဃၣ်က့ၤပှၤမၤတၢ်ဒဲးဘးလၢအကျဲကမၣ်န့ၣ်ဒီး, မ့ၢ်အအုၣ်က့ၤခီၣ်က့ၤပှၤတဂၤအသးလၢတၢ်သံအပူၤ, ဒီးမၤပူၤဖျဲးတၢ်ဒဲးဘးအါမးန့ၣ်တက့ၢ်.ယၤကိာ် ၅း ၁၆-၁၉
ပှၤတဖၣ်န့ၣ်လဲၤတၢ် ဒ်အတၢ်ကလုာ်ကလိၤအသိး,ဒီးမ့ၢ်ပှၤကဒူးကဒ့ၣ်တၢ်, ပှၤအ့စိၢ်အ့န့တၢ်,ပှၤကွၢ်ပတြၢၤပှၤဂၤအမဲာ်လၢတၢ်အဘျုးအဃိ, ဒီးအထးခိၣ်ကတိၤကဖၢလၢတၢ်လီၤ.
မ့မ့ၢ်ပှၤလၢတၢ်အဲၣ်အီၤသုဝဲသ့ၣ်ဧၢ,သ့ၣ်နီၣ်ထီၣ်က့ၤတၢ်ကတိၤလၢပကစၢ်ယ့ၣ်ရှူးခရံာ်အပှၤတၢ်မၢဖိစံးပာ် ဝဲန့ၣ်တက့ၢ်.
စံးဘၣ်သုလၢပှၤဒုၣ်ဒွဲၣ်တၢ်လၢအလဲၤဒ်အတၢ်တယူးတယီၣ်ဘၣ်ယွၤအတၢ်ကလုာ်ကလိၤအသိးန့ၣ်,ကအိၣ်ဝဲလၢအဆၢအကတီၢ်ကတၢၢ်န့ၣ်လီၤ.-
ပှၤတဖၣ်န့ၣ် မ့ၢ်ပှၤလၢအမၤလီၤမုၢ်လီၤဖးတၢ်,ပှၤဘၣ် ဃးဒီးနီၢ်ခိ,ပှၤတအိၣ်ဘၣ်ဒီးသးန့ၣ်ဘၣ်
မ့မ့ၢ်ပှၤလၢတၢ်အဲၣ်အီၤသုဝဲသ့ၣ်ဧၢ, သူၣ်လီၤသုသးလၢသုတၢ်နာ်စီဆှံကတၢၢ်အဖီခိၣ်, ဒီးဘါထုကဖၣ်တၢ်လၢသးစီဆှံ အပူၤသတးဒီး, ဟံးဃာ်သုသးလၢယွၤအတၢ်အဲၣ်တၢ်ကွံအပူၤ, ဒီးမုၢ်လၢ်ကစၢ်ယ့ၣ်ရှူးခရံာ်အတၢ်သးကညီၤ,တုၤလၢတၢ်မူအထူအယိာ်တက့ၢ်.
ယူဒၤ ၁း၁၇-၂၁
ဘၣ်ဆၣ်ဒီး,လၢတၢ်အဲၣ်တၢ်ကွံအဃိန့ၣ်, ယၤစီၤပီလူးလၢအသးပှၢ်,ဒီးခဲကနံၣ်အံၤဘၣ်စၢဃာ်စ့ၢ်ကီးလၢခရံာ်အဃိ, ယဃ့ကညးနၤ လီၤ. ၁၀ ယဃ့ကညးနၤလၢယဖိစီၤအီးန့ၤစံမူး, လၢယထီၣ်ဖိအီၤလၢယဘၣ်တၢ်စၢဃာ်အပူၤန့ၣ်အဂီၢ်လီၤ.-
၁၁ လၢထံးလၢမကိာ်န့ၣ်, အဝဲဒၣ်အဘျုးတအိၣ်ဘၣ်လၢနဂီၢ်ဘၣ်, မ့မ့ၢ်ခဲကနံၣ်အံၤအဘျုးအိၣ်လၢနဂီၢ်ဒီးလၢယ ဂီၢ်လီၤ.
အဝဲဒၣ်န့ၣ်,ယမၢအက့ၤက့ၤဆူနအိၣ်လီၤ.ဒီး တူၢ်လိာ်အီၤတက့ၢ်. မ့ၢ်ယသးဒၣ်ယဲလီၤ.
အဝဲဒၣ်န့ၣ်,ယသးအိၣ်လၢယကဟံးဃာ်အီၤလၢယဂီၢ်, လၢအကမၤစၢၤယၤလၢနလီၢ်လၢ တၢ်သးခုအကစီၣ်အတၢ်စၢ ဃာ်အပူၤ, ဘၣ်ဆၣ်ဒီးလၢနတသ့ၣ်ညါဘၣ်န့ၣ်ယသးတအိၣ်မၤတၢ်နီတမံၤဘၣ်. ဒ်သိးနမၤဘျုးယၤန့ၣ်သုတမ့ၢ်ဒ်လၢတၢ်မၢဆူၣ်အသိးတဂ့ၤ, မ့ၢ်ဒ်သးအိၣ်တီနံ ဒၣ်တၢ်အသိးန့ၣ်လီၤ.
အဂ့ၢ်ဒ်အံၤ,ဘၣ်တဘၣ်အဟးဖးဒီးနၤတစိၢ်အံၤ မ့ၢ်ဒ်သိးနကန့ၢ်က့ၤအီၤ အထူအ ယိာ်,
တမ့ၢ်လၢၤဘၣ်ဒ်ကုၢ်အသိးဘၣ်,မ့ၢ်လၢကုၢ်အဖီခိၣ်, ဒီပုၢ်ဝဲၢ်လၢအဘၣ်တၢ်အဲၣ်အီၤ,လီၤဆီဒၣ်တၢ်လၢယၤ, ဘၣ်ဆၣ်ဒီးလၢနၤဒိၣ်န့ၢ်အန့ၣ်တက့ၢ်ဆံးအါလဲၣ်,လၢဖံးလၢညၣ်အပူၤ,ဒီးလၢကစၢ်အပူၤလီၤ.
မၤသးဒ်န့ၣ်ဒီး, နမ့ၢ်ပာ်ယၤလၢပှၤန့ၢ်ဃုာ်တၢ်ဒီးနၤဒီး,တူၢ်လိာ်အီၤဒ်ယၤအသိးတက့ၢ်.
မ့ၢ်မၤကမၣ်နၤတမံၤမံၤမ့ၢ်ဂ့ၤ. နစ့မ့ၢ်အိၣ်လၢအလိၤ မ့ၢ်ဂ့ၤ, ပာ်က့ၤအဝဲန့ၣ်လၢယလိၤတက့ၢ်. ၁၉ ယၤစီၤပီလူးအံၤ,ယကွဲးလၢယစုဒၣ်ယဲ, ယကလိးက့ၤတၢ်န့ၣ်,ဒ်သိးယသုတစံးဘၣ်နၤလၢ နကြၢးလိးက့ၤနသးဒၣ်နဲလၢ ယၤန့ၣ်တဂ့ၤလီၤ.
မ့ၢ်လံ,ဒီပုၢ်ဝဲၢ်ဧၢ,ဒုးသူၣ်ခုသးခုယၤလၢကစၢ်အပူၤတက့ၢ်. ဒုးအိၣ်ဘှံးယသးလၢခရံာ်အပူၤ တက့ၢ်.
ယနာ်လၢနကစူၢ်တၢ်ဒီးယကွဲးန့ၢ်နၤ,အဂ့ၢ်ဒ်အံၤ, ယသ့ၣ်ညါလၢနကမၤတၢ်အါန့ၢ်ယစံးနၤဒၣ်လဲာ်လီၤ.
ဖံၤလ့မိၣ် ၁ း၁၁-၁၉
၁ ယ့ၣ်ရှူးခရံာ်အပှၤတၢ်မၢဖိဖဲယွၤအသး, စီၤပီလူးဒီးပ ဒီပုၢ်ဝဲၢ်စီၤတံၤမသ့း, ပစံးဘၣ်ပှၤစီဆှံ,ဒီးဒီပုၢ်ဝဲၢ်လၢအကလုၢ်တီလၢ ခရံာ်အပူၤအိၣ်လၢကလီးစဲန့ၣ်, မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ပပၢ်ယွၤဒီးကစၢ်ယ့ၣ်ရှူးခရံာ်န့ၣ်ဘၣ်သုတက့ၢ်.
ပဘါထုကဖၣ်တၢ်လၢသုဂီၢ် တဘိယူၢ်ဃီဒီး, ပစံးထီၣ်ပတြၢၤယွၤပကစၢ် ယ့ၣ်ရှူးခရံာ်အပၢ်အဘျုးအဖှိၣ် လီၤ.
အဂ့ၢ်ဒ်အံၤ, ပနၢ်ဟူသုတၢ်နာ်လၢယ့ၣ်ရှူးခရံာ်အ ပူၤ,ဒီးသုတၢ်အဲၣ်လၢပှၤစီဆှံခဲလၢာ်,
လၢတၢ်မုၢ်လၢ်အိၣ်ပာ်ဖှိၣ်လၢသုဂီၢ်လၢမူခိၣ်အဃိလီၤ. လၢတၢ်မုၢ်လၢ်န့ၣ်, သုနၢ်ဟူလၢတၢ်မ့ၢ်တၢ်တီအကလုၢ်အကထါဘၣ် ဃးဒီးတၢ်သးခုအကစီၣ်,
လၢအဟဲဆူသုအိၣ်ဒ်လၢဟီၣ်ခိၣ်ချၢခဲလၢာ်စ့ၢ်ကီးအသိး, ဒီးသၣ်ထီၣ်ဝဲဒီးအါထီၣ်ဒ်လၢသုကျါစ့ၢ်ကီးအသိး, လၢမုၢ်နံၤလၢသုနၢ်ဟူအီၤ, ဒီးသ့ၣ်ညါထီၣ်ယွၤအဘျုးအဖှိၣ်လၢတၢ်မ့ၢ်တၢ်တီ လံၤလံၤန့ၣ်လီၤ.ကလီးစဲ ၁း၁-၆
ဒီးပာ်ဒိၣ်အီၤလၢတၢ်အဲၣ်တၢ်ကွံအပူၤလၢ အမၤတၢ်အဃိဒိၣ်မးလီၤ. ဒီးအိၣ်ဃူလိာ်ဖိးလိာ်သုသးသကိးသကိးတက့ၢ်.
ဒီးပုၢ်သ့ၣ်ဝဲၢ်သ့ၣ်ဧၢ, ပဃ့ကညးသု,ပှၤလၢအတဒိကနၣ်ဘၣ်တဖၣ်န့ၣ်,သိၣ်က့ၤသီက့ၤအီၤတက့ၢ်.ပှၤလၢအသးတခုဘၣ်တဖၣ်န့ၣ်,မၤမုာ်ထီၣ်အီၤတက့ၢ်.ပှၤလၢအဂံၢ်စၢ်ဘါစၢ်တဖၣ်န့ၣ်, မၤစၢၤအီၤတက့ၢ်.ဝံသးစူၤပှၤ ခဲလၢာ်တက့ၢ်.
ဒ်သိးပှၤသုတမၤဆၢတၢ်အၢလၢပှၤနီတဂၤတဂ့ၤဒီး, ကွၢ်သုဝဲတက့ၢ်,အခိၣ်တလိာ်,ဖဲအဘၣ်ဃးဒီးသုဝဲသ့ၣ်သကိးသကိးမ့ၢ်ဂ့ၤ, ဖဲအဘၣ်ဃးဒီးပှၤခဲ လၢာ်မ့ၢ်ဂ့ၤ,လူၤတၢ်ဂ့ၤတၢ်ဝါတထံၣ်ဃီတက့ၢ်. ၁၆ သူၣ်ဖှံ သးညီတဘိယူၢ်ဃီတက့ၢ်.
ဘါထုကဖၣ်တၢ်တထံၣ် ဃီတက့ၢ်.
လၢတၢ်ခဲလၢာ်အပူၤန့ၣ်, စံးထီၣ်ပတြၢၤတၢ်အဘျုးအဖှိၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်တၢ်ဘၣ်ယွၤအသးလၢယ့ၣ်ရှူးခရံာ်အပူၤလၢသုဂီၢ်လီၤ.သုတမၤလီၤပံာ်ကွံာ်သးန့ၣ်တဂ့ၤ.
သုတမၤတရီ တပါတၢ်ကတိၤလၢဝံအကျိာ်တဂ့ၤ.
ပစီကွၢ်တၢ်ခဲ လၢာ်, ဟံးဃာ်တၢ်အဂ့ၤတက့ၢ်.
ဟးဆှဲးတၢ်အၢလၢ ကိးတၢ်အက့ၢ်အဂီၤဒဲးတက့ၢ်.
ဒီးတၢ်ဃူတၢ်ဖိးအကစၢ်ဒၣ်ဝဲန့ၣ်, မ်အမၤစီဆှံသုလၢလၢပှဲၤပှဲၤတက့ၢ်.ဒီးမ်တၢ်အံးက့ၤကွၢ်က့ၤသုဒီဂၤညါ, ဒ်သိးသုသး,ဒီးသုသး သမူ, ဒီးသုနီၢ်ခိခဲလၢာ်ကအိၣ်လၢတၢ်ပာ်တၢ်ကမၣ်အလီၢ်တအိၣ်ဘၣ်, ဖဲပကစၢ်ယ့ၣ်ရှူးခရံာ်ဟဲက့ၤန့ၣ်တ က့ၢ်
ပှၤလၢအကိးန့ၢ်သုမ့ၢ်ပှၤလၢအကလုၢ်တီ,ဒီးအဝဲဒၣ်ကမၤစ့ၢ်ကီးဝဲန့ၣ်လီၤ.
၁ သ့းစၤလနံ ၅း၁၃-၂၄
ဒုးသ့ၣ်နီၣ်ထီၣ်က့ၤအီၤလၢတၢ်တဖၣ်န့ၣ်တက့ၢ်. ဒီးဒ်သိးအသုတတဲးလိာ်ဃိလိာ်လၢ တၢ်ကတိၤအဂ့ၢ်အကျိၤတဂ့ၤဒီး, သိၣ်အီၤသပှၢ်ပှၢ်လၢကစၢ်အမဲာ်ညါတက့ၢ်. တၢ်န့ၣ်တဂိာ်တသီၣ်ဘၣ်တၢ်နီတမံၤဘၣ်.မ့ၢ်အမၤကဒံကဒါပှၤလၢအကနၣ်ဝဲတဖၣ်လီၤ.
ကျဲးစၢးကဲထီၣ်လၢပှၤဘၣ်ယွၤအသး, ပှၤမၤတၢ်ဖိလၢအမဲာ်ဆှးအလီၢ်တအိၣ်ဘၣ်, ပှၤနီၤဖးတၢ်မ့ၢ်တၢ်တီအ ကလုၢ်အကထါအဆၢတီတီလိၤလိၤန့ၣ်တက့ၢ်.
မ့မ့ၢ်တၢ်အၢတၢ်သီအတၢ်ကတိၤကလီကလီန့ၣ်, ဟးဆှဲးအီၤတက့ၢ်. အဂ့ၢ်ဒ်အံၤ, ကလဲၤဆူတၢ်တယူးတယီၣ် ဘၣ်ယွၤအါထီၣ်အါထီၣ်န့ၣ်လီၤ
ဒီးအတၢ်ကတိၤန့ၣ်အီၣ်ဂီၤတၢ်ဒ်တၢ်ပူၤလီၢ်ပူၤဃဲာ်အသိးန့ၣ်လီၤ. လၢအဝဲ သ့ၣ်အကျါ, မ့ၢ်စီၤဟူၤမ့းနဲ,ဒီးစီၤဖံလ့ၤတူးန့ၣ်လီၤ. ၁၈ ပှၤတဖၣ်န့ၣ်ဃၣ်ကွံာ်အသးလၢတၢ်မ့ၢ်တၢ်တီ, ဒီးစံးဝဲလၢတၢ်ဂဲၤဆၢထၢၣ်န့ၣ်ပူၤကွံာ်လံ, ဒီးမၤကဒံကဒါပှၤတနီၤနီၤအတၢ်နာ်လီၤ.
ဘၣ်ဆၣ်ဒီးတၢ်အခီၣ်ထံး ဘၣ်ဃးဒီးယွၤ အိၣ်ဂၢၢ်အိၣ်ကျၢၤ, ဒီးအိၣ်ဝဲဒီးတၢ်စဲဃာ်ပနီၣ်အအံၤ,ကစၢ်သ့ၣ်ညါပှၤလၢအမ့ၢ်အတၢ်လီၤ. ဒီးကယဲၢ်ပှၤလၢအပှ့ၤဘၣ်ကစၢ်အမံၤတဂၤလၢ်လၢ်န့ၣ်, မ်အဟးဆှဲးတၢ်တတီတ လိၤဘၣ်တက့ၢ်.
အိၣ်လၢဟံၣ်ဖးဒိၣ်အပူၤထဲသပၢၤထူဒီးသပၢၤစ့ဧိၤတမ့ၢ်ဘၣ်, မ့ၢ်သပၢၤသ့ၣ်ဒီး သပၢၤဟီၣ်ခိၣ်အိၣ်စ့ၢ်ကီး, ဒီးတနီၤနီၤအိၣ်လၢတၢ်လၤကပီၤအဂီၢ်, ဒီးတနီၤနီၤလၢတၢ်လၤကပီၤတအိၣ်ဘၣ်အဂီၢ်လီၤ.
မၤသးဒ်န့ၣ်ဒီး, ပှၤမ့ၢ်မၤကဆှီထီၣ်ကွံာ်အသးလၢတၢ်တဖၣ်န့ၣ်ဒီး, ကကဲထီၣ်သပၢၤလၢတၢ်ကမၤလၤကပီၤအီၤ,ဒီးစီဆှံ, ဒီးဂ့ၤလၢဟံၣ်ကစၢ်မၤတၢ်အဂီၢ်,ဒီးကတဲာ်ကတီၤအသးလၢကယဲၢ်တၢ်မၤအဂ့ၤအဂီၢ်လီၤ.
ဒီးဃ့ၢ်ဟးဆှဲးဖိၣ်သၣ်ခွါအတၢ်သးကွံတဖၣ်, ဒီးလူၤတၢ်တီတၢ်လိၤ, တၢ်စူၢ်တၢ်နာ်,တၢ်အဲၣ်တၢ်ကွံ,တၢ်ဃူတၢ်ဖိး, အိၣ်ဒီးပှၤလၢအကိးထီၣ်ကစၢ်လၢအသးကဆှီ တဖၣ်တက့ၢ်.
မ့မ့ၢ်တၢ်သံကွၢ်ကလီကလီ, ဒီးတဂိာ်တသီၣ်ဘၣ်န့ၣ်, ဟးဆှဲးအီၤတက့ၢ်. အဂ့ၢ်ဒ်အံၤ,နသ့ၣ်ညါလၢအမၤအိၣ်ထီၣ်တၢ်အ့ၣ်လိာ်ဆိးက့လိာ်န့ၣ်လီၤ.
ဒီးကစၢ်အခ့အပှၤန့ၣ်, တဘၣ်အ့ၣ်လိာ်ဆိးက့လိာ်ဘၣ်.မ့မ့ၢ်အဘၣ်မ့ၢ်ပှၤဝံသးစူၤလၢပှၤခဲလၢာ်, ပှၤသိၣ်လိတၢ် သ့,ပှၤကီၤအသးလီၤ.
ဒီးဘၣ်သိၣ်က့ၤသီက့ၤပှၤလၢအဂ့ၢ်လိာ်ဘှီလိာ်ဒၣ်အတၢ်တဖၣ်န့ၣ်, လၢအသူၣ်စူၤအသးနွဲၤလီၤ. အဂ့ၢ်ဒ်အံၤ,ဘၣ်တဘၣ်ယွၤကဟ့ၣ်လီၤအီၤလၢတၢ်ပီၢ်ယၢ်လီၤအသး, ပၢၢ်လၢတၢ်သ့ၣ်ညါနီၢ်နီၢ် တၢ်မ့ၢ်တၢ်တီ
ဒီးကမၤပူၤဖျဲးထီၣ်ကွံာ်အသးလၢမုၣ်ကီၤလံၢ်အပျံၤသကွီၤလီၤ. အဂ့ၢ်ဒ်အံၤ, ဘၣ်တၢ်ဖီၣ်န့ၢ်အီၤဖဲအဝဲဒၣ်အသး,လၢအကစူၢ်အီၤန့ၣ်လီၤ.
၂ တံၤမသ့း ၂း၁၄-၂၆
ဘၣ်ဆၣ်ဒီးသ့ၣ်ညါတၢ်အံၤတက့ၢ်. လၢမုၢ်နံၤအခံကတၢၢ်တဖၣ်အပူၤန့ၣ်, အဆၢအကတီၢ်လၢအကီအခဲက ဘၣ်လီၤ. အဂ့ၢ်ဒ်အံၤ,ပှၤကညီကမ့ၢ်ပှၤအဲၣ်လီၤအသး,ပှၤသးကွံစ့, ပှၤခိးထဲသိးလိာ်အသး, ပှၤပာ်ထီၣ်ထီအသး, ပှၤဒုၣ်ဒွဲၣ်တၢ်,ပှၤတစူၢ်ဘၣ်အမိၢ်အပၢ်ဘၣ်,ပှၤတသ့ၣ်ညါဘၣ်တၢ်အဘျုးအဖှိၣ်ဘၣ်, ပှၤတစီတဆှံဘၣ်.
ပှၤတအဲၣ်ဘၣ်အဘူးအတံၢ်ဘၣ်, ပှၤအသူၣ်တကၢ်အသးတလီၤဘၣ်, ပှၤပာ်တၢ်ကမၣ်လၢပှၤဂၤအလိၤကလီကလီ, ပှၤလၢအတကီၤဘၣ်အသးဘၣ်,ပှၤဒူတၢ်,ပှၤတ အဲၣ်ဘၣ်ပှၤအဂ့ၤဘၣ်,ပှၤဟ့ၣ်လီၤကွံာ်ပှၤဂၤ, ပှၤလၢအတပလီၢ်ဘၣ်အသးဘၣ်, ပှၤပာ်အသးကဖၢလၢ,ပှၤ လၢအအဲၣ်တၢ်မုာ်လၤဒိၣ်န့ၢ်အအဲၣ်ယွၤအိၣ်ဝဲဒီးတၢ်ယူးယီၣ်ယွၤအက့ၢ်အဂီၤဘၣ်ဆၣ်ဒီး,အစိအကမီၤန့ၣ်သမၢဝဲလီၤ.ပှၤဒ်န့ၣ်သိးတဖၣ်န့ၣ်,ဟးဆှဲးအီၤတက့ၢ်.-
အဂ့ၢ်ဒ်အံၤ, ပှၤအိၣ်လၢပှၤတဖၣ်န့ၣ်အကျါမ့ၢ်ပှၤလၢအလဲၤနုာ်ခူသူၣ်ဆူပှၤအဟံၣ်ပူၤ, ဒီးမၢကဲကုၢ်ပိာ်မုၣ်လၢအကူၣ်တၢ်တသ့ဘၣ်, ဒီးလၢပှဲၤဒီးတၢ်ဒဲးဘး,ဒီးပိာ်အ သးကွံတၢ်အကလုာ်ကလုာ်အခံ,
လၢအမၤလိတၢ်တထံၣ်ဃီနာ်သက့ဒီး, တုၤလၢတၢ်သ့ၣ်ညါတၢ်မ့ၢ်တၢ်တီတသ့ဘၣ်နီတခီၣ်ဘၣ်လီၤ.
ဒီးဒ်စီၤယၣ်နံၤ, ဒီးစီၤယၣ်ဘြံၤတြီစီၤမိၤရှ့အသိးန့ၣ်,အဝဲသ့ၣ်တဖၣ်တြီတၢ်မ့ၢ်တၢ်တီဒ်န့ၣ်အသိး, အသူၣ်အၢအသးသီ, ဒီးလၢတၢ်နာ်အဂ့ၢ်မ့ၢ်ဝဲပှၤတဂိာ်တသီၣ် ဘၣ်လီၤ.
ဘၣ်ဆၣ်ဒီးတထီၣ်တထီလၢၤဘၣ်.အဂ့ၢ်ဒ်အံၤ,အတၢ်သူၣ်ခံးသးခံးအိၣ်ဖျါဒ်အဝဲသ့ၣ်အသိးစ့ၢ်ကီးလီၤ.
မ့မ့ၢ်နဲဒၣ်အံၤ နလူၤတိၢ်န့ၢ်လံယသိၣ်တၢ်သီတၢ်,ယတၢ်ဖံးတၢ်မၤ,ယတၢ်ကူၣ်ထီၣ်ဖးလီၤ,ယတၢ်စူၢ်တၢ်နာ်,ယသူၣ်စူၤသးစူၤ,ယတၢ်အဲၣ်တၢ်ကွံ, ယဝံသူၣ်စူၤဝံသး နွဲၤ
၂ တံၤမသ့း ၃း၁-၁၀
ယမၤလိာ်နၤလၢယွၤဒီးယ့ၣ်ရှူးခရံာ်လၢအကစံၣ်ညီၣ်ပှၤမူဒီးပှၤသံတဖၣ်,အမဲာ်ညါ,ဒီးလၢအတၢ်အိၣ်ဖျါဒီးအဘီအမုၢ်အမဲာ်ညါ,စံၣ်တဲၤတဲလီၤတၢ်အကလုၢ်အ ကထါတက့ၢ်. ၂ ကျဲးစၢးလၢတၢ်အကတီၢ်ဘၣ်လၢအကတီၢ်တဘၣ်ဘၣ်တက့ၢ်.မၤဖျါပှၤအတၢ်ကမၣ်,သိၣ်ဃီၣ်တၢ်,သဆၣ်ထီၣ်အခံလၢတၢ်ဝံသးစူၤခဲလၢာ်,ဒီး သိၣ်တၢ်သီတၢ်တက့ၢ်. ၃ အဂ့ၢ်ဒ်အံၤ,အမုၢ်အလါကဘၣ်,ဖဲပှၤတဝံသးစူၤဘၣ်တၢ်သိၣ်တၢ်သီလၢအဂ့ၤအဝါဘၣ်.မ့မ့ၢ်အနၢ်ကိၢ်ကွံဒီး,ကပာ်ဖှိၣ်သရၣ်တဖၣ်လၢအကစၢ်ဒၣ်ဝဲအဂီၢ်,ဒ်တၢ်ဘၣ်အသးဒၣ်ဝဲအသိးန့ၣ် လီၤ.ဒီးကဃၣ်ကွံာ်အနၢ်လၢတၢ်မ့ၢ်တၢ်တီ,ဒီးကဃၣ်ဃီၤအသးဆူပူကလီကလီတဖၣ်လီၤ.၂ တံၤမသ့း ၄း၁-၄
